Upside Down: A Primer for the Looking-Glass World by Eduardo Galeano
My rating: 4 of 5 stars

( مدرسة العالم بالمقلوب )

‏بعد أن زارتْ أليس بلادَ العجائب، أرادت أن ترى العالم بالمقلوب فدخلتْ في مرآة. ولو كُتب لها أن تولدَ من جديد في أيّامنا، ما احتاجت أن تدخل في أيّة مرآة: سيكفيها أن تطلّ برأسها من النافذة.


كل يوم بيكلمك عن العدل والمساواة عالم فيه مليار إنسان تحت خط الفقر بيعيشوا بأقل من دولار ونص في اليوم بأقل من ٧٥ جنيه في اليوم
الشمال لو سنة واحدة بس إدانا سعر عادل للي بياخده مننا هناخد رقم ينهي الفقر في العالم ٧٠ مرة اقسم بالله أنا لو مش متربي تلات مرات
كنت قلت كلام يعفّ لساني عن ذكره وتعفّ آذانك عن سماعه، صديقي المثقف
خد عندك، چيسون هيكل ده بيقولك إن سنة ٢٠١٥ بس الشمال خد من الجنوب تقريبًا كل ده خد عندك١٢ مليار طن من المواد الخام ومحاصيل ٨٨٢ مليون هكتار أراضي و٢١ اكساچول من الطاقة و١٨٨ مليون شخص من العمال وإن كل الحاجات دي بأسعار سنة ٢٠١٥ في دول الشمال
يعني لو كانوا اشتروها مننا بسعرها العادل عندهم بحق ربنا تعادل تقريبًا كم يا ابن عمي١٠٫٨ ترليون دولار آه يا ولاد الـ.... عارفين يعني إيه ١٠٫٨ ترليون دولار؟! عارف الرقم ده يعمل إيه؟ الرقم ده كفاية إنه ينهي الفقر في العالم! مش مرة واحدة، لا! إنه ينهي الفقر في العالم 70 مرة!!
وحياة ربنا أنا بقولك الكلام ده وأنا مش مصدق إن ده واقع وان ده اللي احنا عايشينه في عالم إنها المرحلة اللي الأرض شهدت فوقها في نفس اللحظة أغنى بشر في التاريخ وبرضه أفقر بشر في التاريخ طيب نيجي هنا ولازم نعمل وقفة مهمة يعني هي الثورة الصناعية دي جات على قرمط وقفلت؟!
ما تنيلناش عملنا ثوره صناعيًه ليه احنا كمان ولا احنا فالحين بس في ثورات تخرب البلد؟ وبعدين ما احنا صنايعية برضو! ده احنا ما عندناش أكتر من الصنايعية والله صديقي الإنسان، فيما يتعلق بالشمال والجنوب وعلشان منخشش في حواري قومية أو دينية أو جندرية فهو فعلًا كان فيه نظرة دونية تجاه الجنوب فيما يتعلق بمسألة الجهد والإنتاج تحديدًا النظرة الدونية دي كانت مرتبطة بالعقل والذكاء والقدرة على الابتكار ومكانتش من الرجل الأبيض إنما من مفكرين ومؤرخين عرب وجنوبيين زينا حكيتلك أنا عن نظرة ابن خلدون الألفا بتاعنا في الاجتماع، عن السودان أهل الجنوب وده راجع لنظريته في أن الحالة المناخية بتأثر في الحالة المزاجية والعقلية للبشر
وهو راجل بيحب يبسط الأمور ويقولك من الآخر كده أهم وأكبر حاجة خلت الثورة الصناعية دي تحصل في الشمال مش الجنوب كمية الابتكارات والاختراعات اللي تدفقت في الفترة دي وشكلت أساس تقني للثورة الصناعية وبالتالي زيادة الثروة والإنتاج كانت غير مسبوقة رغم أن للمفارقة، الشمال عمره ما كان محتكر للإبداع بالعكس!كل الابتكارات اللي مهدت للثورة الصناعية، جاية من تحت من الصين والهند والمنطقة العربية اختراع الطباعة وصناعة الورق وعلوم الحساب والجبر والخوارزميات وختامًا، البارود. وركز معايا أوي في نقطة البارود دي عشان مهمة بعدين
طب ما احنا في الجنوب جامدين أوي أهو.
وإن من بداية العصور الوسطى المتأخرة الإنجليز الأغنياء كان عدد أطفالهم اللي بيعيشوا بعد عمر خمس سنين ضعف عدد أولاد الفقراء اللي بيعدوا السن ده ده خلّى مع الوقت فيه انتشار للقيم البرجوازية في المجتمع وأن الافكار والممارسات اللي بتؤدي للثراء انتشرت مع ازدياد عدد أفراد الطبقة الثرية
اختصارًا الاستعمار كان محركه الاقتصادي هو الرأسمالية عايزين أكتر يابا الحق في ناس غلابة هناك بس عندهم ثروات لم الرجالة وهات سلاح
ويلا بينا على هناك الرأسمالية، صديقي الإنسان مش حاجة جينا الدنيا لقيناها موجودة، لأ. الرأسمالية نمط اقتصادي جديد نسبيًا في عمر البشر بدأ في الـ ٤٠٠ سنة اللي فاتوا بس ومتحولش لنمط راسخ مسيطر ومتحكم في اقتصاد العالم إلا في آخر ٢٠٠ سنة من التاريخ البشري طب البشر قبل ما كانوا رأسماليين، كانوا إيه؟ كانوا حزب التجمع ويسار يعني والخمّارات جنب المصانع، والسجن مطرح الجنينة” ولا إيه؟ أهي دي حكاية تانية، نحكيها في وقت تاني
اللي يهمنا دلوقتي هي أن بدايات الرأسمالية دي جات مع انتشار تكنولوجيا جديدة في العالم وهي الملاحة البحرية الملاحة البحرية طورها البرتغال والهولنديين وخدها منهم بعد كده الإنجليز هتقولي ومالها الملاحة؟! لا ما هي مش سفاري! ما هي مش خمسة ملاحة للسفر والسياحة! دي ملاحة معاها مدافع مليانة بارود افتكرت ليه إتكيت أنا على البارود؟ تكنولوچيا الملاحة البحرية دي نتج عنها سيطرة البرتغاليين العسكرية
بعد ما الأوروبيين وصلوا أمريكا، قالك إيه ده؟ الحق!وا ياجدعان ده الأمريكتين عايش فيها ناس طب هنعمل إيه فيهم دول؟ عادي يا باشا، نبيدهم!
أصل يعني هنعمل إيه؟! لسه هنقعد نتفاوض معاهم؟ ونقولهم بليز ممكن ثرواتكم؟ مفيش وقت!الحتمية التاريخية جاية حالًا ولازم ننجز!
وبيد يابا في العبيد بعد ما الأوروبي فرتك سكان أمريكا بالبارود والأوبئة والأمراض وقف كده وقالك، الله! ده السكان الأصليين خلصوا! هنشتغل بإيدينا احنا ولا ايه؟!
احنا جايين نتهزق هنا!
شوفلي يا ابني عبيد أي داهية تانية، ورانا ثروات تتنهب! بس! وقاموا جابوا العبيد التانيين. اللي هما مين بقى؟ الله ينور عليك صديقي الإنسان احنا، الأفارقة، بتوع الجنوب دول. عرفنا بقى احنا كنا فين في القصة؟ حوالي ١٠-١٢ مليون إفريقي اتاخدوا للعمل في مزارع السكر والقطنفي أمريكا اللاتينية لو حاولت أقرب لذهنك الحقبة الاستعمارية دي ببساطة فالتقديرات بتقول إن الفترة ما بين ١٥٠٠ و ١٨٠٠ م المستعمرين الأوروبببن استولوا على١٠٠٫٠٠٠٫٠٠٠ كجم من الفضة و١٨٥٫٠٠٠ كجم من الدهب عارف الكمية دي بالقياس كده كانت قد إيه؟ تقريبًا تلات أضعاف كل اللي تملكه دول أوروبا كلها في وقتها على قفانا احنا ومن شقانا. كل الثروات دي كانت نواة للثورة الصناعية والتطور الاقتصادي والصناعي الرهيب في أوروبا الخميرة اللي رقدوا عليها واستثمروها وعملوا الحضارة الغربية اللي أنت شايفها دلوقتي كل الهيلمان والتطور العلمي والحضاري ده كان السبب فيه، حقبة استعمارية أبادت حضارات وشعوب واستعبدت حضارات وشعوب تانية


View all my reviews